पाटील यांनी सांगलीतील नेमीनाथनगर येथे राहत्या घरी साडीने गळफास घेऊन आत्महत्येचा प्रयत्न केला. कुटुंबातील सदस्यांनी त्यांना वेळीच रुग्णालयात दाखल केले. त्यांची प्रकृती स्थिर असल्याचे सांगितले जात आहे. त्यांच्यावर डॉक्टरांच्या देखरेखीखाली रुग्णालयात उपचार सुरु आहे. त्यांना आयसीयूमध्ये दाखल करण्यात आले आहे.
सुरेश पाटील यांच्या आत्महत्येच्या प्रयत्नाने राजकीय वर्तुळात खळबळ उडाली आहे. ते बऱ्याच काळापासून जिल्ह्यातील राजकारण, व्यवसाय, शिक्षण आणि सामाजिक क्षेत्रात सक्रिय भूमिका बजावत आहेत. त्यांचा राजकीय प्रवास सुमारे 30 ते 40 वर्षांचा आहे आणि त्यांनी एका सामान्य कार्यकर्त्यापासून नगरसेवक आणि नंतर महापौर असा प्रवास केला आहे. तथापि, गेल्या एक वर्षापासून त्यांनी राजकारण आणि सार्वजनिक जीवनापासून स्वतःला बऱ्याच प्रमाणात दूर केले आहे.
