महाराष्ट्रात पूर आणि दरड कोसळल्यामुळे 164 ठार,अनेक बेपत्ता
मंगळवार, 27 जुलै 2021 (10:54 IST)
राज्य आपत्ती व्यवस्थापन विभागानुसार आतापर्यंत 2,29,074 लोकांना बाधित क्षेत्रातून बाहेर काढण्यात आले आहे. रायगड जिल्ह्यात 95,साताऱ्यात 45,रत्नागिरीमध्ये 21,ठाण्यात 12,कोल्हापुरात 7,मुंबईत 4 आणि सिंधुदुर्ग, पुणे,वर्धा आणि अकोला येथे प्रत्येकी 2 जणांचा मृत्यू झाला.
महाराष्ट्रात कोकणातील रायगड जिल्ह्यात 11 आणि विदर्भ,वर्धा आणि अकोला जिल्ह्यात प्रत्येकी दोन मृतदेह आणि पूर आणि भूस्खलनाने बाधित झालेल्या राज्यात मृतांचा आकडा 164 वर आला आहे.तर 100 जण अद्याप बेपत्ता आहेत. सोमवारी मुख्यमंत्री उद्धव ठाकरे यांनी साताऱ्यातील पूर परिस्थितीचा आढावा घेतला, तर उपमुख्यमंत्री अजित पवार यांनी सांगलीतील पूर परिस्थितीचा आढावा घेतला.
राज्य आपत्ती व्यवस्थापन विभागाच्या म्हणण्यानुसार 2,29,074लोकांना बाधित क्षेत्रातून बाहेर काढण्यात आले आहे. पावसामुळे झालेल्या दुर्घटनेमुळे रायगड जिल्ह्यात 71 साताऱ्यात 41,रत्नागिरीमध्ये 21,ठाण्यात 12, कोल्हापुरात सात, मुंबईत चार आणि सिंधुदुर्ग, पुणे,वर्धा आणि अकोला येथे प्रत्येकी दोन जणांचा मृत्यू झाला आहे. याशिवाय मुसळधार पावसात विविध अपघातात 56 जण जखमी झाले आहेत.रायगडमध्ये 34, मुंबई आणि रत्नागिरीतील प्रत्येकी सात,ठाण्यात सहा आणि सिंधुदुर्गमधील दोन जण जखमी झाले.
रायगडमध्ये 53, साताऱ्यात 27, रत्नागिरीमध्ये 14,ठाण्यात चार आणि सिंधुदुर्ग आणि कोल्हापुरात प्रत्येकी एक जण बेपत्ता असल्याची माहिती मिळाली. गेल्या आठवड्यात मुसळधार पावसामुळे राज्यातील काही भागात पूर आणि भूस्खलन झाले आणि यामुळे 1043 गावे बाधित झाली. या ठिकाणी एनडीएएफची 34 पथके, एसडीआरएफची 11 पथके याशिवाय सैन्य व कोस्ट कार्ड संघ मदत व बचाव कार्यात व्यस्त आहेत बाधित नागरिकांसाठी 259 मदत शिबिरेही लावण्यात आली आहेत. रायगडमधील वाशिष्ठी नदीवरील 43 रस्ते आणि एक पूल मुसळधार पावसामुळे खराब झाले आहेत. भूस्खलनात रायगडचे तळिये गाव पूर्णपणे नष्ट झाले आहे.
रविवारी मुख्यमंत्री ठाकरे कोकणातील रत्नागिरी जिल्ह्यातील चिपळूण येथे गेले होते. सोमवारी त्यांनी सातार्‍यातील पूरग्रस्त भागाचा दौरा केला. दरम्यान, उपमुख्यमंत्री अजित पवार यांनी सोमवारी सांगली जिल्ह्यातील अनेक पावसाने बाधित गावे भेट दिली आणि पूरग्रस्तांना भेटण्यासाठी नावेतून काही भागात पोहोचले. पवार यांनी पूरग्रस्तांशी संवाद साधला आणि राज्य सरकारकडून सर्वतोपरी मदत करण्याचे आश्वासन दिले. दरवर्षी पूरग्रस्तांना ज्या भागांचा त्रास होतो त्या क्षेत्रांचे सर्वेक्षण करण्याचे निर्देश त्यांनी अधिकाऱ्यांना दिले जेणेकरून त्यांचे पुनर्वसन सुरक्षित ठिकाणी करता येईल.
तळिये गावात शोध मोहीम संपली, 31 बेपत्ता लोकांचा मृत्यू जाहीर
रायगड जिल्हा प्रशासनाने सोमवारी तळिये गावात बेपत्ता असलेल्या 31 लोकांचा शोध मोहीम थांबवून या लोकांना मृत घोषित केले. गुरुवारी झालेल्या भीषण भूस्खलनात हे गाव पूर्णपणे नष्ट झाले आहे. या अपघातात 53 लोकांनी प्राण गमावले आणि पाच जखमी झाले तर 31 लोक अद्याप बेपत्ता आहेत.
चार दिवसानंतर रेल्वे सेवा पूर्ववत झाली
मध्य रेल्वेच्या काही मार्गांवर रेल्वे वाहतूक विस्कळीत झाल्यानंतर चार दिवसांनी, सोमवारी सकाळी ठाणे, नाशिक आणि पुण्यातील थळ व भोर घाट भागातील सर्व रेल्वे मार्गावर सेवा पूर्ववत करण्यात आल्या. तसेच सावित्री नदीवरील खराब झालेल्या पुलाच्या दुरुस्तीनंतर मुंबई-गोवा रोड आणि मुंबई-बंगळुरू महामार्गावर मोठ्या वाहनांची हालचाल सुरू झाली. 22 जुलै रोजी दुपारी 12.30 वाजेपासून मुसळधार पाऊस, दरडी कोसळणे आणि अनेक ठिकाणी झाडे कोसळल्याने थाळ घाट आणि खंडाळा घाटातील भोर घाट येथे वाहतूक ठप्प झाली होती. मध्य रेल्वेचे मुख्य प्रवक्ते यांनी सांगितले की, ठाणे आणि नाशिक जिल्ह्यांच्या सीमेवर मुंबईपासून 125 किमी अंतरावर असलेल्या थल घाटवरील रेल्वे मार्ग सोमवारी सकाळी 6:50 वाजता आणि रायगड-पुणे जिल्ह्यामधील भोर घाट येथे सोमवारी सकाळी बंद झाला. ते गाड्यांच्या हालचालीसाठी सुरक्षित घोषित केले.
नौदल पथके स्थानिक लोकांना अन्न व औषध पुरवित आहे.
रत्नागिरी आणि रायगड येथे पश्चिम नौदल कमांड पूर मदत दलच्या सात पथके तैनात करण्यात आल्या आहेत. हे पथक पूरग्रस्तांना सातत्याने अन्न व औषध देत आहेत. हे संघ गेल्या दोन दिवसांपासून 200 हून अधिक कुटुंबांना रेडी-टू-इट भोजन पुरवित आहेत. याबरोबरच आपत्कालीन प्रथमोपचार आणि औषधेही गरजूंना दिली जात आहेत.
