पुढील वर्षी विधान परिषदेच्या स्थानिक स्वराज्य संस्थेच्या आठ मतदारसंघांत निवडणूक होणार आहेत. यात मुंबई महानगरपालिकेतून निवडून आलेले रामदास कदम (शिवसेना) व भाई जगताप (काँग्रेस), नागपूरचे गिरीश व्यास (भाजप), सोलापूरचे आमदार प्रशांत परिचारक (अपक्ष-भाजप पुरस्कृत),कोल्हापूर मतदारसंघाचे प्रतिनिधित्व करणारे गृहराज्यमंत्री बंटी पाटील (काँग्रेस), धुळे-नंदूरबारमधून अलीकडेच पोटनिवडणुकीत निवडून आलेले अमरिश पटेल (भाजप), अकोला-बुलढाणा-वाशीमचे गोपीकिसन बजोरिया (शिवसेना), नगरचे अरुण जगताप (राष्ट्रवादी ) हे आठ आमदार पुढील वर्षी निवृत्त होत आहेत. या निवडणुकीत नगरसेवक, जिल्हा परिषद सदस्य हे मतदार असतात.
