मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी शुक्रवारी दिल्लीत केंद्रीय गृहमंत्री अमित शहा यांची भेट घेतली. या बैठकीचे छायाचित्र शेअर करताना अमित शाह म्हणाले, "महाराष्ट्राचे नवनियुक्त मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची भेट घेतली आणि त्यांना शुभेच्छा दिल्या. मला खात्री आहे की पंतप्रधान नरेंद्र मोदी यांच्या मार्गदर्शनाखाली आपण पूर्ण निष्ठेने जनतेची सेवा कराल आणि महाराष्ट्राला विकासाच्या नव्या उंचीवर घेऊन जाल.
एकनाथ शिंदे आणि देवेंद्र फडणवीस उद्या दुपारी साडेचार वाजता पंतप्रधान नरेंद्र मोदी यांची भेट घेणार आहेत. दोन्ही नेते जेपी नड्डा आणि राजनाथ सिंह यांचीही भेट घेण्याची शक्यता आहे. मिळालेल्या माहितीनुसार, एकनाथ शिंदे आणि फडणवीस हे प्रसिद्ध वकील हरीश साळवे यांचीही भेट घेण्याची शक्यता आहे.
शिंदे आणि त्यांच्या गटातील 15 आमदारांना अपात्र ठरवण्याच्या मागणीसाठी उद्धव ठाकरे यांच्या नेतृत्वाखालील शिवसेना गटाच्या याचिकेवर 11जुलै रोजी सर्वोच्च न्यायालयात महत्त्वपूर्ण सुनावणी होणार आहे. शुक्रवारी, शिवसेना पक्षप्रमुख आणि महाराष्ट्राचे माजी मुख्यमंत्री उद्धव ठाकरे म्हणाले की, सर्वोच्च न्यायालयाचा 11 जुलैचा निर्णय केवळ शिवसेनेचेच नाही तर भारतीय लोकशाहीचे भवितव्यही ठरवेल.
