Chief Minister Devendra Fadnavis News: भाजप नेते देवेंद्र फडणवीस यांनी गुरुवारी तिसऱ्यांदा महाराष्ट्राच्या मुख्यमंत्रिपदाची शपथ घेतली. यानंतर पत्रकारांशी संवाद साधताना फडणवीस यांनी लाडकी बहीण योजना सुरू ठेवण्याची आणि अर्थसंकल्पात योजनेची रक्कम वाढवण्याची पहिली मोठी घोषणा केली. तसेच यासोबतच शेतकऱ्यांच्या कर्जमाफीसह अन्य महत्त्वाच्या विषयांवर त्यांनी भाष्य केले. आपला महाराष्ट्र आता थांबणार नाही, असे ते पूर्ण आत्मविश्वासाने म्हणाले.
महाराष्ट्राने गेल्या अडीच वर्षांत जी गती मिळवली ती सर्वच क्षेत्रात कायम राहणार आहे. विधिमंडळ पत्रकार संघात आयोजित पत्रकार परिषदेत मुख्यमंत्री देवेंद्र फडणवीस म्हणाले की माझी, उपमुख्यमंत्री एकनाथ शिंदे आणि अजित पवार यांची विचारसरणी सारखीच असेल. जाहीरनाम्यात दिलेल्या आश्वासनांची पूर्तता करणे हाच आमचा उद्देश आहे. हे सरकार पारदर्शक पद्धतीने काम करेल. येत्या पाच वर्षात आम्ही विरोधकांवर सूड उगवण्यासाठी काम करणार नाही, तर राज्याच्या विकासासाठी आणि जनतेच्या हितासाठी काम करणार आहोत. सर्वांना बरोबर घेऊन जाणारे लोकाभिमुख सरकार असेल.
तसेच मी सर्वांचे सहकार्य घेत असल्याचे फडणवीस म्हणाले. आता मंत्रिमंडळ स्थापन झाले असून आता धोरणात्मक निर्णय घेतले जाणार आहे. शेतकरी कर्जमाफीची अंमलबजावणी करणार. नदी जोडण्याच्या प्रकल्पावर माझा भर असेल. प्रथम आपण आर्थिक स्त्रोत मजबूत करू, नंतर आपण ते वाढवू. मार्चमध्ये सादर होणाऱ्या अर्थसंकल्पात आम्ही रक्कम वाढवू असे देखील देवेंद्र फडणवीस म्हणाले.
