मिळालेल्या माहितीनुसार महाराष्ट्र विधान परिषदेच्या पाच जागांसाठी भाजपने आपल्या कोट्यातील तीन उमेदवारांची नावे जाहीर केली आहे. व सोमवार हा उमेदवारी अर्ज दाखल करण्याची शेवटची तारीख आहे. तसेच, विरोधी पक्षाकडून मौन आहे कारण त्यांच्याकडे निवडणुकांवर प्रभाव टाकण्यासाठी पुरेसे आमदार नाहीत. यामुळे निवडणूक बिनविरोध होईल असे मानले जात आहे.
विधान परिषदेचे पाच आमदार शिंदे सेनेच्या अमशा पाडवी, अजित पवारांच्या राष्ट्रवादी काँग्रेसचे राजेश विटेकर आणि भाजपचे प्रवीण दटके, गोपीचंद पडळकर, रमेश कराड हे नुकत्याच झालेल्या विधानसभा निवडणुकीत विधानसभेत निवडून आले. या पाच जणांनी विधान परिषदेच्या सदस्यत्वाचा राजीनामा दिला आहे. या रिक्त जागा भरण्यासाठी निवडणूक आयोगाने आधीच निवडणुकीच्या तारखा जाहीर केल्या आहे. आज, सोमवार हा उमेदवारी अर्ज दाखल करण्याची शेवटची तारीख आहे. अर्जांची छाननी मंगळवार १८ मार्च रोजी केली जाईल. २० मार्च ही अर्ज मागे घेण्याची शेवटची तारीख आहे. २७ मार्च रोजी मतदान होणार आहे. अशी माहीत समोर आली आहे.
भाजपने नावे जाहीर केली
भाजपने रविवारी त्यांच्या कोट्यातील तीन उमेदवारांची नावे जाहीर केली. नागपूरचे माजी महापौर आणि फडणवीस यांचे निकटवर्तीय संदीप दिवाकर राव जोशी, प्रदेश भाजपा युनिटचे सरचिटणीस संजय किशनराव केणेकर आणि माजी आमदार दादाराव यादवराव केचे यांची नावे जाहीर करण्यात आली.
