शिवसेना-भाजपने स्थानिक स्वराज्य संस्थांच्या सहा जागांच्या विधानपरिषद निवडणुकांसाठी 50-50 चा फॉर्म्युला निश्चित केला आहे. त्यामुळे शिवसेना आणि भाजप प्रत्येकी तीन जागांवर लढणार आहे. या तीन पैकी नाशिक, रायगड-रत्नागिरी-सिंधुदुर्ग आणि परभणी-हिंगोलीतून शिवसेनेचे उमेदवार उभे राहणार आहेत. तर उसनाबाद-लातूर-बीड, अमरावती आणि वर्धा-चंद्रपूर-गडचिरोलीतून भाजप लढणार आहे. विशेष म्हणजे विदर्भातील दोन्ही जागा शिवसेनेने भाजपला सोडल्याने आश्चर्य व्यक्त केले जात आहे. अमरावतीतून भाजपचे उमेदवार प्रवीण पोटे-पाटील यांचा अर्ज दाखल झाला आहे. उस्मानाबाद-लातूर-बीडमधून सुरेश धस यांना उमेदवारी दिली आहे.
