पोलिसांनी दिलेल्या माहितीनुसार, छत्रपती संभाजी राजे यांनी विशाळगड किल्ल्यावरील अतिक्रमण काढण्यासाठी सर्व शिवप्रेमींना 14 जुलै रोजी विशाळगडाच्या पायथ्याशी एकत्र येण्यास सांगितले होते. संभाजीराजे यांच्या या आवाहनानंतर 14 जुलै रोजी विविध हिंदू संघटनांचे कार्यकर्ते विशाळगडावर मोठ्या प्रमाणात जमले.
पोलीस अधिकाऱ्यांनी सांगितले की, सध्या विशाळगड आणि गजापुरात परिस्थिती सामान्य आहे. कोल्हापूर पोलिसांचे 1 हजार जवान तैनात करण्यात आले आहेत. एसआरपीएफच्या तुकड्याही तैनात करण्यात आल्या आहेत. विशाळगड परिसरात 21 जुलैपर्यंत संचारबंदी लागू करण्यात आली आहे. दंगलग्रस्त गावात मोडकळीस आलेल्या घरांची जीर्णोद्धार सुरू झाली असून, नुकसान झालेल्या धार्मिक स्थळी प्रार्थनाही सुरू झाल्या आहेत. पोलीस तपासात आतापर्यंत 30 हून अधिक हातोडे आणि सुमारे 100 काठ्या जप्त करण्यात आल्या आहेत.पोलीस पुढील तपास करत आहे.
