सातारा शहरातील दिव्यानगरी परिसरात दिवसाढवळ्या एका तरुणाची दगडानं ठेचून हत्या केल्याची घटना समोर आली आहे. शुक्रवारी सकाळी अकराच्या सुमारास ही घटना घडल्यानंतर परिसरात एकच खळबळ उडाली आहे. हल्ला झालेल्या तरुणाला पोलिसांनी रुग्णालयात उपचारासाठी दाखल केलं पण उपचारदरम्यान त्याचा मृत्यू झाला आहे. याप्रकरणी पोलिसांनी काही अज्ञात आरोपींविरोधात गुन्हा दाखल केला आहे.
