मुंबई आग्रा महामार्गांवर आठव्या मैल भागात आज पवणेतीनच्या सुमाराला झालेल्या अपघातात 5 जण गंभीर आणि 1 जण ठार झाला आहे. मुंबई नाशिक लेनवर विल्होळी जवळील आठवा मैल चौफुलीच्या उतारावर हा अपघात झाला. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या शासकीय रुग्णालयात दाखल केले आहे.
आकाश ढोलपुरे, अहमद वसारी, अमित, अक्षय कानडे, शक्ती ठाकुर हे 5 जण गंभीर जखमी झाले आहेत. महामार्ग पोलीस केंद्र घोटी, पिंपळगाव पेट्रोलिंग वाडीवऱ्हे व नाशिक तालुका पोलीस स्टेशनचे अधिकारी व कर्मचारी घटनास्थळी मदतकार्यासाठी उपस्थित होते.
