मुंबई- कुख्यात अंडरवर्ल्ड डॉन दाऊद इब्राहिमशी फोनाफोनी आणि जमीन घोटाळ्यांच्या आरोपावरून मंत्रिपद गमावलेले भाजप नेते एकनाथ खडसे यांच्यावर मनसे अध्यक्ष राज ठाकरे यांनी आपल्या खास शैलीत टीका केली. दाऊद इब्राहिम एकनाथ खडसेंना कॉल करतो एवढी वाईट वेळ त्याच्यावर आली आहे का, असा टोला राज यांनी लगावला आहे.
दाऊद पाकिस्तानातून स्वत:ची यंत्रणा सांभाळतो. तो तिथून खडसेंना कशाला फोन करेल? एवढी वाईट वेळ त्याच्यावर आली आहे का, असे राज म्हणाले. आपल्याकडे काहीही झाले की लगेच तर्कवितर्क लावले जातात. सगळी मज्जा मज्जा चालली आहे, असे राज म्हणाले.
महाराष्ट्र नेहमी देशाचा विचार करतो. इतर राज्ये मात्र स्वत:चा विचार आधी करतात. त्यामुळे यूपीएससी व एमपीएससी परीक्षेतल्या यशवंतांनी महाराष्ट्राचा विचार सगळ्यात आधी करावा, असे आवाहनही राज यांनी यावेळी केले.