World Cup Trophy In Pune:क्रिकेट चाहत्यांना आणि पुणेकरांसाठी आनंदाची बातमी आहे. आयसीसी वर्ल्ड कपची ट्रॉफीची आज थाटामाटात मिरवणूक निघणार आहे. या ट्रॉफी बरोबर सेल्फी काढण्याची संधी देखील चाहत्यांना मिळणार आहे. महाराष्ट्र क्रिकेट असोसिएशनचे अध्यक्ष आणि राष्ट्रवादी काँग्रेसचे आमदार रोहित पवार यांनी ही माहिती दिली.
ते म्हणाले, आयसीसी वर्ल्ड कप ट्रॉफीचा पुण्यात काढलेला मी पहिला फोटो आहे. आज दुपारी हॉटेल जेडब्ल्यू मेरिएटपासून सेनापती बापट रोड – सिम्बॉयसिस कॉलेज – बीएमसीसी – फर्ग्युसन रस्ता ते कृषी महाविद्यालय या मार्गावरून मिरवणूक होणार. ट्रॉफीची मिरवणूक ओपन बस मध्ये होणार असून निळ्यारंगाची ही बस आहे.
