पुण्यातील सदाशिव पेठ परिसरातील भावे शाळेजवळ एका टुरिस्ट टॅक्सीने पादचाऱ्यांना धडक दिली, ज्यामध्ये 12 जण जखमी झाले. जखमींमध्ये महाराष्ट्र लोकसेवा आयोगाच्या (एमपीएससी) परीक्षेची तयारी करणाऱ्या अनेक विद्यार्थ्यांचा समावेश आहे. ही घटना शनिवारी सायंकाळी 7 वाजताच्या सुमारास परिसरातील एका चहाच्या टपरीजवळ घडली.
पुणे शहर पोलिसांनी दिलेल्या माहितीनुसार, वाहनाचे नियंत्रण सुटले आणि ते रस्त्याच्या कडेला उभ्या असलेल्या लोकांना उडवले.प्राथमिक तपासात असे दिसून आले आहे की, बिबवेवाडी येथील रहिवासी जयराम मुळे (27) हा चालक घटनेच्या वेळी मद्यधुंद अवस्थेत होता. त्यावेळी गाडीत एक सहप्रवासीही होता.
प्रत्यक्षदर्शींनी सांगितले की, जखमींपैकी अनेकांचे पाय फ्रॅक्चर झाले आहेत. सर्व जखमींना उपचारासाठी जवळच्या रुग्णालयात नेण्यात आले. कोणत्याही जीवितहानीबद्दल वृत्त नाही.पोलिसांनी कायदेशीर करावाई सुरु केली आहे.
या प्रकरणी पोलिसांनी कार चालक जयराम शिवाजी मुळे (27) आणि कारमध्ये बसलेला त्याचा मित्र राहुल गोसावी यांना ताब्यात घेतले आहे. पोलिसांनी सांगितले की, त्याला वैद्यकीय तपासणीसाठी ससून रुग्णालयात नेण्यात आले.
