Pune Accident : मुंबई -बंगळुरू महामार्गावर नवले पूल परिसरात पुन्हा भीषण अपघात झाला आहे. शुक्रवारी आज सकाळी नऱ्हे सेल्फी पॉईंट जवळ एका कंटेनरच्या चालकाचे कंटेनरवरील नियंत्रण सुटल्याने कंटेरनची एका कारला पाठीमागून जोराची धडक झाली . या अपघातात कारचे मोठे नुकसान झाले असून सुदैवाने कोणतीही जीवित हानी झालेली नाही .
नवले पुलाच्या परिसरात गेल्या काही वर्षांपासून अपघातांचे सत्र सुरूच आहे. प्रशासनाने या भागाला ब्लॅक स्पॉट म्हणून घोषित केले असून अपघात रोखण्यासाठी तात्पुरत्या उपाययोजना केल्या आहेत. तरीही या परिसरात अपघात घडतात.या भागात वाहतूक कोंडी होत असते. आज देखील अपघातानंतर वाहनांच्या रांगा दूरपर्यंत लागून वाहतूक कोंडी झाली होती.
