उदय सिद्धार्थ कांबळे (वय १९), तेजस संजय बधे (वय १९), प्रसाद उर्फ बाबू धनंजय सोनवणे (वय १९, तिघेही रा. थेऊर, ता. हवेली, संग्राम भगवान थोरात (वय २८, रा. कदमवाकवस्ती, ता. हवेली), रोहित राजू जाधव (वय २०, रा. लोणी काळभोर, ता. हवेली), श्याम गुरप्पा जाधव (वय ४३, रा. वानवडी, पुणे), तसेच तीन अल्पवयीन बालक यांना ताब्यात घेतले आहे.
आतापर्यंत अनेकांवर कारवाई करण्यात आली आहे. परंतु, तरीदेखील अनेक परिसरामधून रोज कोयता गॅंगच्या दहशतीच्या घटना समोर येत आहेत. सोशल मीडियावर काही टोळकी स्टेट्स ठेवतात, या स्टेट्समुळे अनेक स्वरुपाचे गुन्हे घडतात. त्याला आळा घालण्यासाठी आता पोलिसांनी कोयता घेऊन स्टेट्स ठेवणाऱ्यांवर रेखी करून त्यांच्यावर गुन्हा दाखल करत आहेत.
दरम्यान, कोयता गँगच्या तरुणांची हलगी वाजवत धिंड काढण्यात आली होती. कोयता घेऊन दहशत माजवणाऱ्यांची रस्त्यावर पोलिसांनी वरात काढली होती. त्यांची ही धिंड पाहून अनेक व्यापाऱ्यांना आनंद झाला होता. कोयता गॅंगविरोधात पुण्यामध्ये कॉंम्बिंग ऑपरेशन राबवले जात आहे. रोज अनेक परिसरामध्ये पोलीस रात्रीच्या वेळी गस्त घालत आहेत. आतापर्यंत पुणे पोलिसांनी ७०० गुन्हेगारांची झाडाझडती घेतली त्यामधील अनेक आरोपींना अटक करण्यात आली आहे.
कोयता गॅंगचा म्होरक्या असलेला साहिल शेख, बिट्ट्या कुचेकर आणि आकाश कांबळे यांना अटक केली आहे. परंतु अजून देखील कोयता गॅंगमधील अनेक गुन्हेगार पुण्याच्या रस्त्यांवर दहशत निर्माण करतांना दिसून येत आहे. त्यांच्यावर योग्या कारवाई करुन त्यांना जेरबंद करणे हे पुणे पोलिसांसमोर मोठे आव्हान आहे.
