उपाध्यक्षपदाचा राजीनामा दिल्यापासून जगदीप धनखर नॉट रिचेबल झाले आहेत. यावर शिवसेना उद्धव बाळासाहेब ठाकरे पक्षाचे खासदार आणि प्रवक्ते संजय राऊत यांनी वेगळीच भीती व्यक्त केली आहे. जगदीप धनखर यांच्या बेपत्ता होण्याचा मुद्दा उपस्थित करत संजय राऊत यांनी रविवारी सांगितले की, रशिया आणि चीनसारखी राजकीय परिस्थिती भारतातही निर्माण झाली आहे का?
संजय राऊत म्हणाले की, देशात सध्या उपराष्ट्रपती नसल्याने आम्ही अजूनही जगदीप धनखर यांना उपराष्ट्रपती मानतो. जगदीप धनखर २१ जुलैपासून बेपत्ता आहेत. देशाचे उपराष्ट्रपती, राज्यसभेचे अध्यक्ष असलेली व्यक्ती २१ जुलै रोजी सकाळी राज्यसभेत आमच्यासमोर आली. आम्ही त्यांच्याशी चर्चा केली. त्यांनी काही आदेश दिले, त्यानंतर सभागृह तहकूब करण्यात आले.
धनखर कुठे बेपत्ता आहेत?
त्यांची प्रकृती चांगली होती, त्यांचा मूड चांगला होता. ते काही काळ रागावले असतील, त्यांनी विनोद केला असेल, बोलले असतील आणि संध्याकाळी ६ वाजल्यानंतर बातमी आली की त्यांनी आरोग्याच्या कारणास्तव उपराष्ट्रपती पदाचा राजीनामा दिला आहे. हे आमच्यासाठी खूप धक्कादायक आहे. आम्ही इथपर्यंत हे सहन करू शकतो. पण राजीनामा दिल्यापासून आजपर्यंत धनखर कुठे आहेत? असा प्रश्न उपस्थित करत राऊत म्हणाले की, धनखर यांची तब्येत कशी आहे याबद्दल मनात शंका निर्माण होत आहेत? ते काय करत आहेत? ते कोणासोबत आहेत, ते कुठे राहतात? त्यांना गायब करण्यात आले आहे का?
दिल्लीत चर्चा झाली
संजय राऊत म्हणाले की, जर देशाचे माजी उपराष्ट्रपती अशा प्रकारे गायब झाले असतील आणि त्यांचा ठावठिकाणा कोणालाही माहिती नसेल, तर ते देशाच्या लोकशाहीसाठी चिंतेचा विषय आहे. कारण रशिया आणि चीनमध्ये त्यांच्या विरोधी नेत्यांना अशा प्रकारे गायब करण्याची पद्धत आहे. येथेही हीच परंपरा सुरू झाली आहे का? असा प्रश्न विचारत राऊत म्हणाले की, जेव्हा उद्धव ठाकरे दिल्ली दौऱ्यावर गेले होते. तेव्हा कपिल सिब्बल त्यांची भेट घेतली होती. त्या काळात आम्ही यावर चर्चा केली होती. त्यानंतर आम्ही न्यायालयात याचिका दाखल करण्याबाबतही चर्चा केली होती.
