Uttarakhand Accident: उत्तराखंडमधील उत्तरकाशी जिल्ह्यातून दु:खद बातमी येत आहे. येथे गंगोत्री महामार्गावर गंगनानीजवळ प्रवाशांना घेऊन जाणारी बस खोल दरीत कोसळली. ज्यामध्ये 7 जणांचा जागीच मृत्यू झाला आहे. तर या अपघातात 28 जण जखमी झाले आहेत. या बसमध्ये प्रवास करणाऱ्या प्रवाशांची संख्या 35 असल्याचे सांगण्यात येत आहे. जखमींना रुग्णालयात दाखल करण्यात आले आहे.
अपघाताची माहिती मिळताच पोलिस अधीक्षक घटनास्थळी पोहोचले आणि मदत आणि बचाव कार्यात गुंतले. यासोबतच जिल्हा प्रशासन, पोलीस, एनडीआरएफ, एसडीआरएफ आणि वैद्यकीय पथकांनी घटनास्थळी पोहोचून जखमींना बाहेर काढले. ज्यांना उत्तरकाशीतील विविध रुग्णालयात उपचारासाठी पाठवण्यात आले आहे. बसमधील प्रवासी हे गुजरातचे यात्रेकरू असल्याचे सांगण्यात येत आहे.
