गौरीकुंड-केदारनाथ पादचारी मार्गावर रविवारी सकाळी मोठा अपघात झाला. चिरबासाजवळील टेकडीवरून अचानक मोठ्या प्रमाणात दगड कोसळली.या मध्ये यात्रेला जाणाऱ्या तीन भाविकांचा मृत्यू झाला, तर पाच जण जखमी झाले. जखमींमध्ये दोन प्रवासी महाराष्ट्रातील तर इतर स्थानिक असल्याचे सांगण्यात येत आहे. जखमींना उपचारासाठी गरिकुंड रुग्णालयात पाठवण्यात आले आहे.
मिळालेल्या माहितीनुसार, ही घटना सकाळी 7.30 वाजता घडल्याचे सांगण्यात येत आहे. अपघाताची माहिती मिळताच पोलीस प्रशासनाचे पथक घटनास्थळी दाखल झाले. मदत आणि बचाव कार्य सुरू आहे. किशोर अरुण पराते (31, रा. नागपूर महाराष्ट्र), सुनील महादेव काळे (24, रा. जालना महाराष्ट्र), अनुराग बिश्त, तिलवाडा रुद्रप्रयाग अशी अपघातातील मृतांची नावे आहेत.
केदारनाथ यात्रेच्या मार्गावर झालेल्या अपघातावर सीएम धामी यांनी शोक व्यक्त केला आहे. सोशल मीडियावर पोस्ट करत त्यांनी लिहिले की, 'टेकडीवरून ढिगारा आणि मोठमोठे दगड कोसळ्यामुळे काही प्रवासी जखमी झाल्याची बातमी अत्यंत दुःखद आहे. घटनास्थळी मदत आणि बचाव कार्य सुरू आहे, याबाबत मी अधिकाऱ्यांच्या सतत संपर्कात आहे. अपघातात जखमी झालेल्यांना तातडीने चांगले उपचार देण्याच्या सूचना देण्यात आल्या आहेत. देव दिवंगतांच्या आत्म्यास शांती देवो आणि शोकाकुल कुटुंबीयांना हे अपार दु:ख सहन करण्याची शक्ती देवो.
