सीबीएसई 12 वी बोर्ड परीक्षा रद्द करण्यात आल्या आहेत. मंगळवारी संध्याकाळी पीएम मोदी यांच्या अध्यक्षतेखाली झालेल्या बैठकीत हा निर्णय घेण्यात आला. बैठकीत त्यांना सर्व राज्ये आणि भागधारकांच्या सूचना व विस्तृत चर्चेतून उद्भवणारे विविध पर्यायांची माहिती देण्यात आली. व्हिडिओ कॉन्फरन्सिंगच्या माध्यमातून झालेल्या बैठकीत केंद्रीय मंत्री अमित शहा, प्रकाश जावडेकर, पियुष गोयल, धर्मेंद्र प्रधान, निर्मला सीतारमण उपस्थित होते. या व्यतिरिक्त केंद्रीय शिक्षण मंत्रालयाच्या अनेक वरिष्ठ अधिकाऱ्यांनी ही यात भाग घेतला.
संरक्षणमंत्री राजनाथ सिंह यांच्या अध्यक्षतेखाली 23 मे रोजी झालेल्या उच्चस्तरीय बैठकीनंतर केंद्रीय शिक्षणमंत्री डॉ. रमेश पोखरियाल निशंक म्हणाले होते की १२ वीच्या बोर्ड परीक्षांचा अंतिम निर्णय 1 जून किंवा त्यापूर्वी घेण्यात येईल. याशिवाय केंद्र सरकारनेही सोमवारी सर्वोच्च न्यायालयात सांगितले की, बारावीच्या बोर्ड परीक्षांवर दोन दिवसांत निर्णय घेण्यात येईल. याशिवाय, परीक्षा घेण्याबाबतही राज्यांनी आपापल्या सूचना शिक्षण मंत्रालयाकडे पाठवल्या आहेत. म्हणजेच, आता फक्त सीबीएसई आणि केंद्रीय शिक्षण मंत्रालयाच्या निर्णयाच्या प्रतीक्षेत आहे.
पंतप्रधान मोदींनी अनेक केंद्रीय मंत्र्यांसमवेत परीक्षे संदर्भात बैठक घेतली. केंद्रीय मंत्री अमित शहा, प्रकाश जावडेकर, पियुष गोयल, धर्मेंद्र प्रधान, निर्मला सीतारमण आणि शिक्षण मंत्रालयाचे अनेक वरिष्ठ अधिकारी यात उपस्थित होते. बैठकीत परीक्षा संचालनाशी संबंधित विविध सूचना व पर्यायांवर चर्चा करण्यात आली.
रमेश पोखरियाल निशंक यांना एम्समध्ये दाखल केले
केंद्रीय शिक्षणमंत्री डॉ. रमेश पोखरीयल निशंक यांना कोविड 19 संसर्गातून बरे झाल्यानंतर मंगळवारी अखिल भारतीय वैद्यकीय विज्ञान संस्थेत (एम्स) दाखल करण्यात आले. त्यामुळे आज पंतप्रधानांच्या अध्यक्षतेखाली हा निर्णय घेण्यात आला.
