मिळालेल्या माहितीनुसार जम्मू आणि काश्मीरमधील पहलगाम येथे झालेल्या भीषण दहशतवादी हल्ल्यात निष्पाप लोकांना आपला जीव गमवावा लागला. या हल्ल्याची जबाबदारी रेझिस्टन्स फ्रंट (TRF) ने स्वीकारली आहे. जो लष्कर-ए-तैयबाचा एक भाग आहे. गुप्तचर सूत्रांनुसार, या हल्ल्याचा मास्टरमाइंड सैफुल्ला खालिद आहे, जो हाफिज सईदचा सर्वात जवळचा मानला जातो. पाकिस्तानला थेट जबाबदार धरता येऊ नये म्हणून त्याने TRF आणि PAFF सारख्या दहशतवादी आघाडीच्या संघटना देखील निर्माण केल्या.
सैफुल्ला खालिद कोण आहे?
सैफुल्लाह खालिदला सैफुल्लाह साजिद जट, अली, हबीबुल्ला आणि नौमान या नावांनी ओळखले जाते. तो लष्कर-ए-तैयबाचा एक प्रमुख कमांडर आणि उपप्रमुख आहे. गुप्तचर संस्थांनुसार, तो पाकिस्तानच्या पंजाब प्रांताचा रहिवासी आहे आणि लष्कर-ए-तैयबाचा संस्थापक हाफिज सईदचा सर्वात विश्वासू सहकारी आहे. त्याचे वय सुमारे ४० असल्याचे सांगितले जाते, तो २० वर्षांपासून जम्मू आणि काश्मीरमध्ये दहशतवादी कारवाया करत आहे. २००० च्या दशकाच्या सुरुवातीला सैफुल्ला लष्कर-ए-तैयबामध्ये सामील झाला. पाकिस्तानातील मुरीदके येथील एलईटी कॅम्पमध्ये प्रशिक्षण घेतले. हाफिज सईदचा त्याच्या भरती आणि प्रशिक्षणात थेट हस्तक्षेप होता असे म्हटले जाते.
तसेच सैफुल्ला हा जम्मू-काश्मीरमधील पूंछ-राजौरी भागात लष्करच्या दहशतवादी कारवायांचा मुख्य सूत्रधार मानला जातो. तो पीओकेमधील कोटली येथील लष्कराच्या खुईरट्टा दातेस या छोट्या दहशतवादी गटाचा प्रमुख होता. येथून दहशतवाद्यांना भारतात पाठवले जाते. सैफुल्लाहने द रेझिस्टन्स फ्रंट (TRF) आणि पीपल्स अँटी-फॅसिस्ट फोर्स (PAFF) ची स्थापना केली. हल्ल्यांची थेट जबाबदारी घेण्यापासून वाचण्यासाठी हे लोक जैश-ए-मोहम्मदसाठी काम करतात. अशी माहिती समोर आली आहे.
