उत्तर प्रदेशातील ललितपूरमधील पाली शहरातून मोबाईल फोनच्या बॅटरीचा स्फोट झाल्याचा व्हिडिओ समोर आला आहे. ही घटना शनिवार 22 ऑक्टोबरची आहे. महेश चौरसिया नावाचा व्यक्ती जुन्या बसस्थानकाजवळील त्यांच्या मोबाईल दुरुस्तीच्या दुकानात फोन दुरुस्त करत होता. फोन दुरुस्त करत असताना अचानक झालेल्या या अपघाताने सगळेच घाबरले. फोन काचेच्या काउंटरवर ठेवला होता आणि जेव्हा या व्यक्तीने फोनची बॅटरी काढण्याचा प्रयत्न केला तेव्हा बॅटरीचा स्फोट होऊन त्यातून ज्वाळा निघू लागल्या.
हा व्हायरल व्हिडिओ मिथिलेशधर नावाच्या ट्विटर अकाउंटवर शेअर करण्यात आला आहे. व्हिडिओच्या कॅप्शनमध्ये 'उत्तर प्रदेशातील ललितपूरमध्ये दुरुस्तीदरम्यान बॉम्बसारखा स्फोट झाला' असे लिहिले आहे. हा व्हायरल व्हिडिओ 21 हजारांहून अधिक युजर्सनी पाहिला आहे. व्हिडिओवर अनेक यूजर्सच्या प्रतिक्रिया येत आहेत. या अपघातामुळे अनेक यूजर्स हादरले आहेत. या अपघाताला मोबाईल दुरूस्ती करणाऱ्या व्यक्तीला जबाबदार धरत आहेत.
