सौगत रॉय म्हणाले होते, "मुकुल रॉय तृणमूल काँग्रेस सोडून भाजपमध्ये गेले असतील, पण त्यांनी मुख्यमंत्री ममता बॅनर्जी यांच्याविरोधात काहीच म्हटलं नाहीय."
मुकुल रॉय यांनी 2017 साली तृणमूल काँग्रेस सोडून भाजपमध्ये प्रवेश केला होता.
त्यानंतर पश्चिम बंगाल विधानसभा निवडणुकीच्या पूर्वी तर अनेक नेत्यांनी पक्षांतर करत भाजपला जवळ केलं होतं. विधानसभा निवडणुकीआधी ज्यांनी तृणमूलला राम राम केलं होतं, त्यांना भाजपमध्ये घेण्यात मुकुल रॉय यांची भूमिका महत्त्वाची होती, असं म्हटलं जातं.
