मुंबई :
Virat Kohli's restaurant भारतीय संघाचा स्टार फलंदाज विराट कोहली सध्या क्रिकेटच्या मैदानापासून दूर आहे. विश्वचषक 2023च्या अंतिम फेरीत भारताच्या पराभवानंतर विराटने एकही सामना खेळलेला नाही. मात्र, यानंतरही विराट चर्चेत आला आहे. सोशल मीडियावर व्हायरल होत असलेल्या एका व्हिडिओमध्ये, पांढरा बनियान घातलेला एक माणूस असा दावा करत आहे की त्याला विराट कोहलीच्या रेस्टॉरंटमध्ये प्रवेश नाकारण्यात आला होता. त्याचे कारण त्याचा पोशाख असल्याचा दावा त्यानी केला आहे. विराटचे रेस्टॉरंट One8 Commune मुंबईतील जुहू भागात आहे. व्हिडिओमध्ये तो रेस्टॉरंटच्या बाहेर उभा राहून आपले मत मांडताना दिसत आहे. जर वृत्तांवर विश्वास ठेवायचा असेल तर, दावा करणारी व्यक्ती तामिळ वंशाची सोशल मीडियावर प्रभाव टाकणारी आहे.
