जम्मू -काश्मीरच्या पुंछ सेक्टरमध्ये दहशतवाद्यांशी चकमक सुरू आहे. या चकमकीदरम्यान सुरक्षा दलाचे 5 जवान शहीद झाल्याचे वृत्त आहे. यामध्ये एक JCO आणि इतर 4 जवान जखमी झाल्याचे सांगितले जात आहे. यापूर्वी, सुरक्षा दलाने सोमवारी सकाळी अनंतनाग आणि बांदीपोरा येथे झालेल्या चकमकीत दोन दहशतवाद्यांना ठार केले होते.
मिळालेल्या माहितीनुसार, रविवारी पोलिसांनी बांदीपोरा येथे दहशतवाद्यांच्या चार मदतनीसांना अटक केली होती. त्याची कसून चौकशी केली असता, त्याचा एक सहकारी परिसरात लपून बसल्याचे आढळून आले. या लोकांनी काही दिवसांपूर्वी या परिसरात सुमो चालकाची हत्या केली होती. यानंतर मदतनीसांची विचारपूस केल्यानंतर पोलिसांनी दहशतवाद्याच्या अड्ड्याला वेढा घातला.
काश्मीरमध्ये मागील काही दिवसात अनेक हत्या झाल्या आहेत. त्यामुळे काश्मीरमध्ये भीतीचे वातावरण होते. तेव्हापासून सुरक्षा दलांकडून सातत्याने काम केले जात होते. आता सुरक्षा दलांनी या हत्यांमध्ये सहभागी असलेल्या पहिल्या दहशतवाद्याला ठार केले आहे. जो खुनात थेट सहभागी होता. चौकशी दरम्यान असे उघड झाले की, दहशतवाद्यांना लष्कर दहशतवादी संघटनेच्या वतीने नागरिकांना मारण्याचे काम देण्यात आले आहे. जेणेकरून हत्या करून काश्मीरमध्ये दहशत निर्माण करता येईल.
