एसडीएमच्या घरात चोरी करण्यासाठी शिरलेल्या चोरट्यांनी SDM ला एक विचित्र पत्र लिहिले. या पत्राची सर्वत्र चर्चा होत आहे. वास्तविक, चोर एसडीएमच्या घरी चोरी करण्यासाठी आले होते. बऱ्याच प्रयत्नांनंतर ते घरात शिरले, पण इतकी मेहनत करूनही, जेव्हा त्याला चोरी करण्यासारखे काही सापडले नाही, तेव्हा त्याने एसडीएमला पत्र लिहिले.
प्रकरण मध्य प्रदेशातील देवासचे आहे. खरं तर, काही चोरट्यांनी सिव्हिल लाईन्समध्ये असलेल्या SDM च्या घराला लक्ष्य केले, पण चोरांना घरात चोरी करण्यासारखी कोणतीही गोष्ट सापडली नाही, नंतर चोरटयांनी SDM च्या नावे एक पत्र सोडले आणि त्यात लिहिले, "जेव्हा येथे पैसेच नाही. तर कुलूप लावण्याची गरजच काय आहे कलेक्टर साहेब '
वास्तविक, हे चोर चोरी करण्यासाठी SDM त्रिलोचन गौर यांच्या देवासच्या सिव्हिल लाईन्समध्ये असलेल्या सरकारी घरात शिरले होते. त्रिलोचन गौर सध्या देवास जिल्ह्यातील खातेगावचे एसडीएम आहेत आणि सुमारे 15 दिवसांपासून ते देवास येथील त्यांच्या घरी आले नव्हते. काल रात्री ते घरी आले असता त्यांनी पाहिले की घरातील सर्व सामान विखुरलेले आहे आणि काही रोख आणि चांदीचे दागिने गायब आहेत, ज्याची माहिती त्यांनी पोलिसांना दिली. त्याचबरोबर पोलिसांनी अज्ञात चोरट्यांविरोधात गुन्हा दाखल करून त्यांचा शोध सुरू केला आहे.
