सदर घटना सोमवार संध्याकाळची आहे. संध्याकाळी 7:30 वाजेच्या सुमारास रिखनीखलच्या कोटा गावात घराच्या समोरून एका सहा वर्षाच्या मुलाला बिबट्याने मुलाच्या आईच्या समोरून नेले. मुलाची आई आपल्या माहेरी रक्षाबंधनाच्या निमित्ताने आली होती. मुलाची आई आणि आजी अंगणात बसले होते आणि हा मुलगा खेळत होता. तेवढ्यात जंगलाच्या दिशेने एक बिबट्या आला आणि त्याने तोंडात धरून मुलाला नेले. आई आणि आजीने आरडाओरड केली पण तो बिबट्या जंगलाच्या दिशेने पळून गेला.
