ज्येष्ठ समाजसेवक अण्णा हजारे यांनी गेल्या सात दिवसांपासून विविध मागण्यांसाठी सुरू असणारे उपोषण मागे घेतले. मुख्यमंत्री देवेंद्र फडणवीस यांनी मागण्यांबाबत लेखी आश्वासन दिल्यानंतर अण्णांनी उपोषण मागे घेत असल्याचे संयुक्त पत्रकार परिषदेत जाहीर केले. मुख्यमंत्री आणि अण्णांमध्ये दुपारी 2 वा. पासून रात्री 7 वा. पर्यंत सहा तास येथील यादवबाबा मंदिरात मॅरेथॉन बैठक सुरू होती.
