ज्ञानवापी-श्रृंगार गौरी वाद सुनावणीस योग्य आहे की नाही, यावर आज वाराणसी जिल्हा आणि सत्र न्यायालयाचा निकाल येणार आहे. या पार्श्वभूमीवर वाराणसीमध्ये कडेकोट सुरक्षा व्यवस्था ठेवण्यात आली आहे. पोलीस आयुक्तांनी कालच जिल्ह्यात कलम 144 लागू केले होते. आज सकाळपासून वाराणसीच्या कानाकोपऱ्यात फौजफाटा तैनात करण्यात आला आहे. याप्रकरणी जिल्हा न्यायाधीश अजय कृष्णा यांनी २४ ऑगस्ट रोजी निकाल राखून ठेवला होता.
