मिळालेल्या माहितीनुसारहे प्रकरण ईशान्य दिल्लीतील ज्योती नगर पोलिस स्टेशन परिसरातील शक्ती गार्डनचे आहे. गेल्या सोमवारी संध्याकाळी वैयक्तिक वैमनस्यातून झालेल्या गोळीबारात ५ जण जखमी झाले. गोळीबाराच्या या भयानक घटनेनंतर संपूर्ण परिसरात खळबळ उडाली आहे. पोलिसांनी दिलेल्या माहितीनुसार, सोमवारी रात्री ९ वाजण्याच्या सुमारास एका व्यक्तीने ज्योती नगर पोलिस ठाण्यात तक्रार दाखल केली की, त्याच्या मुलाला अज्ञात हल्लेखोरांनी गोळ्या घातल्या आहे. अधिकाऱ्याने सांगितले की, घटनास्थळी पोहोचलेल्या पोलिसांना आढळले की या चकमकीदरम्यान अनेक गोळ्या झाडण्यात आल्या.
या प्रकरणी डीसीपी म्हणाले, "गोळीबाराच्या घटनेत पाच जण जखमी झाले आहे. जखमींना रुग्णालयात दाखल करण्यात आले आहे." ज्योती नगर पोलिस ठाण्यात गुन्हा दाखल करण्यात आला आहे. या घटनेत सहभागी असलेल्या लोकांबद्दल आमच्याकडे काही संकेत आहे. पुढील तपास सुरू आहे. सध्या जखमींना उपचारासाठी रुग्णालयात नेण्यात आले आहे. या प्रकरणावर, पोलिसांनी सांगितले की घटनास्थळाची तपासणी करण्यासाठी गुन्हे पथक आणि फॉरेन्सिक तज्ञांना पाचारण करण्यात आले आहे. त्यांच्या मते, गुन्ह्याच्या ठिकाणाहून अनेक गोळ्या आणि एक काडतूस जप्त करण्यात आले आहे.
