NEET पेपर लीक प्रकरणावरून राज्यसभेत प्रचंड गदारोळ झाला. पेपरफुटीच्या मुद्द्यावर सभागृहात चर्चा करण्याची मागणी विरोधकांकडून होत आहे. काँग्रेसच्या वतीने मल्लिकार्जुन खरगे यांनी सभागृहात चर्चा करण्याची मागणी केली. या मुद्द्यावरून राज्यसभा आणि लोकसभा या दोन्ही सभागृहात प्रचंड गदारोळ झाला. NEET वरून झालेल्या गदारोळात काँग्रेसच्या राज्यसभा खासदार फुलो देवी नेताम यांची प्रकृती खालावली आणि त्या कोसळल्या. यानंतर त्यांना तातडीने रुग्णालयात दाखल करण्यात आले.
काँग्रेस पक्षाच्या राज्यसभा खासदार फुलो देवी नेताम यांनी NEET च्या मुद्द्यावरून सभागृहाच्या वेलमध्ये विरोध केला होता. यावेळी चक्कर येऊन त्या खाली पडल्या.यानंतर त्यांना संसदेतून रुग्णवाहिकेतून नेण्यात आले. खासदाराला आरएमएल रुग्णालयात नेण्यात आले.विरोधी खासदारही आरएमएलमध्ये जात आहेत. विरोधी पक्षाच्या सदस्यांनी राज्यसभेतून सभात्याग केला.
