मिळालेल्या माहितनुसार या अपघातात अनेक जण जखमी झाले अशी बातमी समोर आली आहे. या अपघातानंतर सपा आणि काँग्रेससारखे पक्ष उत्तर प्रदेशचे मुख्यमंत्री योगी आदित्यनाथ आणि भाजपला लक्ष्य करत होते. त्याचवेळी, आता मुख्यमंत्री योगी यांनी समाजवादी पक्षाचे प्रमुख अखिलेश यादव आणि काँग्रेसचे राष्ट्रीय अध्यक्ष मल्लिकार्जुन खरगे यांनाही प्रत्युत्तर दिले आहे. काँग्रेस आणि सपामध्ये सनातनविरोधी स्पर्धा सुरू असल्याचे मुख्यमंत्री योगी म्हणाले आहे. उत्तर प्रदेशचे मुख्यमंत्री योगी आदित्यनाथ यांनी महाकुंभ अपघाताबाबत अखिलेश यादव यांचे विधान लज्जास्पद असल्याचे म्हटले आहे. मल्लिकार्जुन खरगे यांच्या विधानाबद्दल त्यांना खेद वाटतो, असे मुख्यमंत्री योगी म्हणाले. अखिलेश यांचे सनातनविरोधी चारित्र्य उघड झाले आहे. समाजवादी पक्ष खोटेपणा पसरवत असल्याचे मुख्यमंत्री योगी म्हणाले आहे. महाकुंभातील अपघाताबाबत मल्लिकार्जुन खरगे यांचे विधान दिशाभूल करणारे असल्याचे मुख्यमंत्री योगी आदित्यनाथ यांनी म्हटले आहे. ते म्हणाले की, सनातनच्या विरोधकांना महाकुंभात मोठी दुर्घटना घडावी असे वाटत होते. महाकुंभाविरुद्ध कट रचणाऱ्यांचा पर्दाफाश केला जाईल, असे देखील मुख्यमंत्री योगी म्हणाले आहे.
