गोव्यात काही दिवसांपूर्वी कडाक्याची थंडी पडली. त्यानंतर पुन्हा हवामानात बदल झाल्याने गेले आठ दिवस राज्यात उकाडा निर्माण झाला. शनिवारपासून तापमान वाढू लागलेले आहे. पुढील दोन दिवसात जनतेला असह्य उकाडय़ाला सामोरे जावे लागेल. अरबी समुद्रात देखील पावसाळी ढग मोठय़ा प्रमाणात जमले आहेत. त्यांचे कमी दाबाच्या पट्टय़ात रुपांतर झालेले नाही. हवामान खात्याने तशी शक्यता फेटाळली आहे. तथापि, काही तज्ञांच्या मते अरबी समुद्रातही कमी दाबाचा पट्टा निर्माण होऊन त्याचे चक्रिवादळात रुपांतर होऊ शकते.
