New Delhi News: दिल्लीतील दोन मोठ्या शाळांना बॉम्बची धमकी मिळाली आहे. त्यानंतर सर्वत्र घबराट पसरली आहे. पश्चिम विहारच्या डीपीएस आरके पुरम आणि जीडी गोएंका स्कूलला धमकीचा मेल आला आहे. . त्यानंतर घटनास्थळी तैनात असलेल्या अग्निशमन दलाला ही माहिती मिळाली. तसेच शाळकरी मुलांना परत पाठवण्यात आले असून पोलिसांनी त्याचा तपास सुरू केला आहे.
मिळालेल्या माहितीनुसार धमकी मिळाल्यानंतर पोलिस आणि अग्निशमन विभागाच्या पथकांनी शाळेच्या परिसरात शोध घेतला. पण अजून कोणते स्फोटक सापडले याची पुष्टी झालेली नाही. तपास सुरू असून ईमेल पाठवणाऱ्याची ओळख पटवण्याचेही प्रयत्न सुरू आहे. या घटनेनंतर शाळांमध्ये दक्षता वाढवण्यात आली आहे. त्याच वेळी, 8 डिसेंबर रोजी रात्री 11:38 च्या सुमारास दिल्लीतील 40 हून अधिक शाळांना धमकीचा ईमेल आला. या मेल्समध्ये त्यांच्या कॅम्पसमध्ये बॉम्ब ठेवण्यात आल्याचा दावा करण्यात आला होता. बॉम्बचा स्फोट झाला तर खूप नुकसान होईल, असं मेलमध्ये म्हटलं होतं. मेल पाठवणाऱ्याने स्फोट थांबवण्याच्या बदल्यात 30 हजार डॉलर्सची मागणी केली आहे. तसेच या धमकीनंतर दिल्ली पोलिसांनी ईमेल पाठवणाऱ्याची ओळख पटवण्यासाठी आयपी ॲड्रेस आणि इतर तांत्रिक बाबी तपासण्यास सुरुवात केली आहे. या धोक्यामुळे खबरदारीचा उपाय म्हणून बहुतांश शाळा बंद ठेवण्याची घोषणा करण्यात आली आहे. सकाळी मुले शाळेत पोहोचल्यावर त्यांना आणीबाणीचे कारण देत घरी परत पाठवण्यात आले.
