सध्या भाजप आणि शिवसेनेचे राजकीय संबंध चांगले नसले तरी दोन्ही पक्षांच्या नेत्यांमध्ये नवे नाते निर्माण होणार आहे. महाराष्ट्र सरकारमध्ये मंत्री राहिलेल्या हर्षवर्धन पाटील यांची मुलगी अंकिता पाटील हिचा विवाह बाळासाहेब ठाकरे यांचे नातू निहार ठाकरे यांच्यासोबत निश्चित झाला आहे. 28 डिसेंबरला मुंबईतील एका हॉटेलमध्ये हा हायप्रोफाईल विवाहसोहळा पार पडणार आहे, ज्यामध्ये काही खास लोकच उपस्थित राहणार आहेत. अंकिता पाटील सध्या काँग्रेसमध्ये असून त्या पुणे जिल्हा परिषदेच्या सदस्या आहेत. याशिवाय त्या इंडियन शुगर मिल्स असोसिएशनच्या संचालकही आहेत.
