मिळालेल्या माहितीनुसार, सकाळी 9:30 वाजेच्या सुमारास पोलीस नियंत्रण कक्षाला फोन आला आणि फोन करणाऱ्याने मी स्वाती मालीवाल असल्याचे सांगितले. सीएम हाऊस मध्ये सदर व्यक्तीने तिला मारहाण केल्याची तक्रार केली. नंतर दुसऱ्यांदा फोन केल्यावर पीए बिभव याने मला मारहाण केल्याचे सांगितले. 2 पीसीआर कॉल करण्यात आले आहेत. पहिला कॉल 9:31 वाजता आणि दुसरा कॉल 9:39 वाजता करण्यात आला.
भाजप कडून आपच्या महिला राज्यसभा खासदार स्वाती मालीवाल यांना मारहाण केल्याचा आरोप करत अरविंद केजरीवाल यांच्यावर जोरदार निशाणा साधला आहे. स्वाती मालीवाल या अरविंद केजरीवाल यांच्या विश्वासू लोकांपैकी एक ओळखले जाते. विशेष म्हणजे त्यांनी अरविंद केजरीवाल यांना अटक झाल्यावर कोणतीही प्रतिक्रिया दिली नव्हती.
