आंध्र प्रदेशचे मुख्यमंत्री एन चंद्राबाबू नायडू यांनीही या अपघातावर निवेदन दिले आहे. त्यांनी सांगितले की, अनकापल्ले जिल्ह्यातील कोटावुरुतला येथील फटाके उत्पादन युनिटमध्ये झालेल्या स्फोटात कामगारांचा मृत्यू दुःखद आहे. घटनेची माहिती गोळा करण्यासाठी त्यांनी जिल्हाधिकारी, पोलिस अधीक्षक आणि राज्याच्या गृहमंत्री अनिता यांच्याशी फोनवरून बोलले.
ही घटना दुपारी 12:45 च्या सुमारास घडली आणि अधिकारी सध्या मृतदेह बाहेर काढण्यावर आणि जखमींना रुग्णालयात हलवण्यावर लक्ष केंद्रित करत आहेत. स्थानिक लोकही घटनास्थळी पोलिसांना मदत करत आहेत. वायएसआरसीपीचे प्रमुख वायएस जगन मोहन रेड्डी यांनीही दुःख व्यक्त केले आणि सरकारला पीडितांना मदत करण्याचे आवाहन केले. त्यांनी त्यांच्या पक्षाच्या नेत्यांना सर्वतोपरी मदत करण्याचे आवाहन केले.
