रेल्वे प्लॅटफॉर्मवर मस्ती करणं एका तरुणाच्या अंगाशी आलं. या मध्ये तरुणाला आपला जीव गमवावा लागला आहे. ही दुर्देवी घटना पश्चिम रेल्वेवरील कांदिवली रेल्वेस्थानकावर गुरुवारी दुपारी 4:40 वाजता घडली. हा संपूर्ण अपघात सीसीटीव्ही मध्ये कैद झाला आहे.
कांदिवली रेल्वे स्थानकात दोन तरुण हुल्लडबाजी करत होते. ते दोघे आपसात मस्ती करत होते. मस्ती करताना अचानक एका मित्राचा रेल्वे रुळावर तोल गेला आणि मागून येणाऱ्या लोकल ट्रेनची त्याला धडक लागली. आणि त्याचा मृत्यू झाला. ही संपूर्ण काळीजचा थरकाप उडवणारी घटना सीसीटीव्ही मध्ये कैद झाली आहे.
या घटनेप्रकरणी बोरिवली पोलीस ठाण्यामध्ये गुन्हा दाखल झाला असून त्याचा तपास पोलिसांकडून सुरु आहे. मयत मुलाची माहिती अद्याप मिळू शकली नाही.