वरळी येथे हिट अँड रन प्रकरणात आरोपीला अटक केली आहे. फरार होण्यापूर्वी त्याने आपली ओळख लपवण्यासाठी त्याने दाढी मुंडवली असल्याचा संशय पोलिसांना आहे. पोलिसांनी त्याची कसून चौकशी केली असता आरोपीने अपघाताच्या वेळी स्वतः कार चालवण्याची कबुली दिली आहे. आरोपीने सांगितले अपघातानंतर तो खूप घाबरून गेला आणि त्याचे वडील घटनास्थळी पोहोचण्यापूर्वी तो पसार झाला.
तो परदेशात पळून जाऊ नये म्हणून पोलिसांनी त्याच्याविरुद्ध लुकआऊट नोटीस जारी केली. मात्र, घटनेच्या 72 तासांनंतर पोलिसांनी त्याला अटक केली. अपघाताच्या वेळी तो कार चालवत होता, असे आरोपीने कबूल केले आहे.
