मुंबई आंतरराष्ट्रीय विमानतळावर शुक्रवारी 20कोटी रुपयांच्या कोकेनसह केनियन महिला प्रवाशाला अटक करण्यात आली. अधिका-यांनी सांगितले की, विदेशी महिलेने दोन शॅम्पू आणि लोशनच्या बाटल्यांमध्ये द्रव स्वरूपात कोकेन ड्रग्ज लपवले होते.
डीआरआयच्या अधिकाऱ्यांनी सांगितले की, तस्करीची ही नवीन पद्धत आहे. बाटल्यांमध्ये पॅक केलेले द्रव कोकेन अगदी शॅम्पू आणि लोशनसारखे दिसत होते, ज्यामुळे ते शोधणे खूप कठीण होते.
मुंबई डीआरआयच्या अधिकाऱ्यांनी सांगितले की, गुप्तचर माहितीच्या आधारे नैरोबीहून आलेल्या परदेशी महिला प्रवाशाला विमानतळावर थांबवून त्याची झडती घेण्यात आली. शॅम्पू आणि लोशनच्या बाटल्यांमध्ये एकूण 1,983 ग्रॅम चिकट द्रव जप्त करण्यात आला. तपासात हे द्रव कोकेन असल्याची पुष्टी झाली. त्याची अंदाजे किंमत 20 कोटी रुपये आहे.
