पश्चिम रेल्वेच्या ताफ्यात सध्या सात एसी लोकल गाड्या आहेत. या सातपैकी चार एसी लोकल प्रवाशांच्या सेवेत असून दोन गाड्या देखभाल दुरुस्तीसाठी कारशेडमध्ये आहेत. यामध्ये आता आणखी एका एसी लोकलची तांत्रिक चाचणी गेल्या काही महिन्यांपासून सुरू आहे. एसी लोकलची ही तांत्रिक चाचणी यशस्वी ठरल्यास या महिनाअखेरीस आठवी एसी लोकल मुंबईत दाखल होणार असल्याची माहिती मुख्य जनसंपर्क अधिकारी सुमीत ठाकूर यांनी दिली.
