मानहानीच्या प्रकरणात शिवसेना UBT खासदार संजय राऊत दोषी आढळले, '15 दिवसांचा तुरुंगवास'

शिवसेनेचे यूबीटी नेते संजय राऊत हे मानहानीच्या प्रकरणात दोषी आढळले आहे. तसेच त्यांना 15 दिवसांचा कारावास आणि 25 हजार रुपये दंडाची शिक्षा सुनावण्यात आली आहे. भाजप नेते किरीट सोमय्या यांच्या पत्नी डॉ मेधा किरीट सोमय्या यांनी संजय राऊत यांच्याविरुद्ध तक्रार दाखल केली होती.

मिळालेल्या माहितीनुसार शिवसेनेचे यूबीटी नेते संजय राऊत हे मानहानीच्या प्रकरणात दोषी आढळले असून संजय राऊत यांना 15 दिवसांचा तुरुंगवास आणि 25 हजार रुपये दंडाची शिक्षा सुनावण्यात आली आहे. संजय राऊत यांच्याविरोधात हा खटला भाजप नेते किरीट सोमय्या यांच्या पत्नी मेधा किरीट सोमय्या यांनी दाखल केला होता.

गेल्या वर्षी संजय राऊत यांनी भाजप नेते किरीट सोमय्या यांच्यावर मुंबईतील मीरा-भाईंदर परिसरात शौचालयांच्या बांधकामात 100कोटी रुपयांचा कथित घोटाळा केल्याचा आरोप केला होता. तसेच किरीट सोमय्या यांनी संजय राऊत यांचे आरोप फेटाळले होते. यानंतर किरीट सोमय्या यांच्या पत्नी मेधा किरीट सोमय्या यांनी संजय राऊत यांच्याविरोधात पतीची बदनामी केल्याप्रकरणी गुन्हा दाखल केला आहे. आता मुंबईच्या मेट्रोपॉलिटन मॅजिस्ट्रेटने राऊत यांना मानहानीचा दोषी ठरवून शिक्षा सुनावली आहे.

Edited By- Dhanashri Naik