अर्धवट झोपेत टूथपेस्टऐवजी विषाने दात घासले, उपचारदम्यान मृत्यू

टूथपेस्ट म्हणून चुकून उंदीर मारणाऱ्याने ब्रश केल्याने एका मुलीचा दुःखद मृत्यू झाला. मुलीचे नाव अफसाना खान आणि तिचे वय 18 वर्षे होते. ही घटना मुंबईतील धारावी भागातील आहे. पोलिसांनी दिलेल्या माहितीनुसार, सकाळी उठल्यानंतर ती अर्धवट झोपेत होती. झोपेत, टूथपेस्ट ऐवजी तिने ब्रशला उंदराचे औषध लावले आणि दात घासायला सुरुवात केली. ताबडतोब तिला चुकीचा स्वाद कळल्यावर तिने गुळण्या करण्यास सुरु केले पण तोपर्यंत तिला चक्कर आली आणि ती खाली पडली.

यानंतर कुटुंबातील सदस्यांनी तिला रुग्णालयात दाखल केले. उपचार सुरु करण्यात आले पण विष संपूर्ण शरीरात पसरले होते. रविवारी सायंकाळी तिचे दुःखद निधन झाले. अफसानाच्या कुटुंबात आई, एक बहीण आहे जी तिच्यापेक्षा दोन वर्षांनी मोठी आहे आणि दोन लहान भाऊ आहेत.

काय आहे संपूर्ण प्रकरण?

मरण पावलेली 18 वर्षीय अफसाना मुलगी धारावी, मुंबई येथे राहत होती. शुक्रवारी सकाळी ती उठली तेव्हा ती नेहमीप्रमाणे ब्रश करण्यासाठी वॉशरूममध्ये गेली. झोपेमध्ये असल्याने तिने उंदीर मारण्याचे औषध टूथपेस्ट म्हणून ब्रशवर लावले आणि दास घासण्यास सुरु केले. पण वेगळ्या चवीमुळे काहीतरी चुकीचं लावल्याचे तिला लगेच समजले. पण तोपर्यंत खूप उशीर झाला होता. विष शरीरात पसरू लागले होते. तिला लगेच जे. जे. रुग्णालयात दाखल करण्यात आले. डॉक्टरांनी उपचार सुरू केले. पण दोन दिवसांच्या उपचारानंतर रविवारी अफसानाचा मृत्यू झाला.

अफसाना ही विद्यार्थिनी होती. तिला शिक्षण पूर्ण करण्याचं स्वप्न अपूर्ण राहिले. अफसानाची आई फळे विकून कुटुंबाचा खर्च उचलत आहे. अफसानाचे अशा प्रकारे निधन झाल्याने संपूर्ण कुटुंब शोकसागरात आहे. पोलिसांनी आकस्मिक मृत्यूची नोंद केली आहे. या प्रकरणाचा तपास सुरू झाला आहे. दरम्यान, पोलिसांनी जनतेला असे आवाहन केले आहे की अशा विषारी वस्तू घरात अशा ठिकाणी ठेवू नयेत जे सहज हातात येऊ शकतात.