दिवा पश्चिम येथील नागवाडी भागात रुपेश हा वडील विजय आणि आईसोबत राहत होता. त्याच्या शेजारी दशरथ हा राहतो. तो रुपेशचा नातेवाईकही आहे. गावदेवीच्या जत्रेला रुपेशला नेतो असे खोटे सांगून दशरथ हा रुपेशला रविवारी दुपारी ३.३० वाजता घेऊन गेला. सायंकाळी दशरथ घरी परतला तेव्हा रुपेश सोबत नव्हता त्यामुळे विजय यांनी दशरथला रुपेशबद्दल विचारले. त्याने तो जत्रेत खेळत असल्याचे सांगितले. रात्री उशिरापर्यंत रुपेश घरी न आल्याने विजय यांनी मुंब्रा पोलीस ठाण्यात तक्रार दाखल केली.
