मिळालेल्या माहितीनुसार प्रादेशिक परिवहन कार्यालयाच्या (आरटीओ) निरीक्षकांच्या तक्रारीवरून आझाद मैदान पोलिस ठाण्यात दोन्ही कंपन्यांविरुद्ध गुन्हा दाखल करण्यात आल्याचे एका अधिकाऱ्याने सांगितले. आरटीओ अधिकाऱ्यांनी डमी राईड्स बुक केल्याचे त्यांनी सांगितले. बेकायदेशीरपणे प्रवाशांची वाहतूक करणाऱ्या अ‍ॅप-आधारित अ‍ॅग्रीगेटर सेवांवर कठोर कारवाई करण्याचे आदेश परिवहन आयुक्तांनी दिले आहेत. ते म्हणाले की, एप्रिलमध्ये आरटीओने रॅपिडोला बेकायदेशीरपणे आणि कोणत्याही परवान्याशिवाय प्रवाशांची वाहतूक केल्याबद्दल नोटीस बजावली होती.
