पलावा सिटी मॅनेजमेंट असोसिएशनने एका निवेदनात म्हटले आहे की असोसिएशन अशा वर्तनाला माफ करत नाही. हल्ल्यात सहभागी असलेल्या सुरक्षा कर्मचाऱ्यांच्या नोकऱ्या तत्काळ प्रभावाने रद्द करण्यात आल्या आहेत. त्यांनी सांगितले की आमचा कार्यसंघ अधिकार्‍यांशी सक्रियपणे सहयोग करत असून त्यांच्या तपासासाठी आवश्यक ते सर्व सहकार्य करत राहील.
काय आहे प्रकरण?
डोंबिवलीजवळ खोनी पलावा एक हाय प्रोफाइल सोसायटी आहे. अभिषेक जोशी यांचा थालीवाली ढाबा नावाचे हॉटेल पलावा पासून काही अंतरावर स्थित आहे. अभिषेक जोशी देखील तिथे पलावा सोसायटीच्या एका बिल्डिंग मध्ये राहतात. रविवारी रात्री 8 वाजेच्या सुमारास पलावा येथील एका बिल्डिंगहून फूड पार्सलसाठी कॉल आला. अभिषेक पार्सल घेऊन आपल्या स्टाफ सोबत संबंधित बिल्डिंगमध्ये आले, पण तिथे सिक्योरिटी गार्डने त्यांना आत जाऊ दिले नाही. सिक्योरिटी गार्ड अभिषेक यांच्यासोबत वाद घालू लागला. वादामुळे सुरक्षा कर्मचारी आणि त्याच्या साथीदारांनी हॉटेल चालकाला लाथा-बुक्क्यांनी बेदम मारहाण केली, ज्याचा व्हिडिओ सोशल मीडियावर व्हायरल झाला.
आश्चर्याची गोष्ट म्हणजे जेवणाची ऑर्डर देणाऱ्या महिलेने समजावण्याचा प्रयत्न केला, मात्र तरीही सुरक्षा कर्मचार्‍यांनी मारहाण केली. याप्रकरणी हॉटेल मालकाने मानपाडा पोलिस ठाण्यात तक्रार दाखल केली आहे. या तक्रारीनुसार पोलिसांनी मारहाण करणाऱ्या सुरक्षा गार्डसविरुद्ध गुन्हा दाखल करून तपास सुरू केला आहे.
