Mumbai boat accident News: तीन दिवसांपूर्वी नौदलाच्या नौकेने मुंबईच्या किनारपट्टीवर बोटीला धडक दिल्याने बेपत्ता झालेल्या सात वर्षांच्या मुलाचा शोध घेण्यासाठी सुरू असलेली शोध मोहीम शनिवारी संपली. मुंबईजवळच्या समुद्रात बोट आणि नौदलाच्या क्राफ्टमध्ये झालेल्या अपघातात बेपत्ता झालेल्या सात वर्षांच्या मुलाचा मृतदेह सापडला आहे, अशी माहिती पोलिसांनी दिली.
अधिकाऱ्याने सांगितले की शोध आणि बचाव मोहिमेचा भाग म्हणून, बेपत्ता प्रवाशांच्या शोधासाठी अनेक पथके तैनात करण्यात आली होती. शोधासाठी नौदलाचे हेलिकॉप्टर आणि बोटीशिवाय तटरक्षक दलही तैनात करण्यात आले आहे. या दोन्ही बोटींवर मिळून 113 जण होते, त्यापैकी 15 जणांचा मृत्यू झाला आहे.
'नील कमल' ही बोट गेटवे ऑफ इंडियावरून एलिफंटा बेटावर 100 हून अधिक प्रवाशांना घेऊन जात होती. महाराष्ट्र मेरीटाईम बोर्डाने (एमएमबी) जारी केलेल्या कागदपत्रांनुसार, बोटीला 84 प्रवासीआणि सहा क्रू सदस्यांना वाहून नेण्याची परवानगी होती.परंतु या बोटीत क्षमतेपेक्षा जास्त प्रवासी होते. या प्रकरणी कुलाबा पोलीस ठाण्यात बोट चालकाच्या विरोधात गुन्हा दाखल करण्यात आला आहे.
