महाराष्ट्राचे उपमुख्यमंत्री देवेंद्र फडणवीस यांच्या मुंबईतील कार्यालयाबाहेरील नावाची पाटी एका महिलेने फोडली. तसेच अधिकारींनी सांगितले की, गुरुवारी संध्याकाळी ही घटना घडली असून यामुळे दक्षिण मुंबईतील राज्य सरकारचे मुख्यालय असलेल्या 'मंत्रालय'च्या सुरक्षा व्यवस्थेवर प्रश्नचिन्ह निर्माण झाले आहे.
मिळालेल्या माहितीनुसार घटनेच्या वेळी फडणवीस कार्यालयात नव्हते. फडणवीस यांच्याकडे गृहखातेही आहे. पोलिस उपायुक्त प्रवीण मुंडे यांनी सांगितले की, मध्य मुंबईतील रहिवासी असलेली ही महिला मानसिकदृष्ट्या अस्वस्थ असल्याचे दिसते.
या घटनेवर फडणवीस काय म्हणाले?
महिलेची काही तक्रार आहे की नाही हे अधिकारी शोधून काढतील, असे फडणवीस म्हणाले. सरकारच्या प्रमुख 'लाडकी बहीण' योजनेसंदर्भातील कार्यक्रमासाठी फडणवीस शुक्रवारी शिर्डीत आले होते. “जर आमची बहीण रागावली असेल, तर आम्ही काय समस्या आहे हे समजून घेण्याचा प्रयत्न करू आणि तिला कोणी मुद्दाम पाठवले आहे का याचाही तपास करू,” असे फडणवीस म्हणाले.
