मिळालेल्या माहितीनुसार, मुंबई पोलिसांनी घाटकोपरमधून 12 बांगलादेशी नागरिकांना अटक केली आहे. हे सर्व आरोपी गेल्या 20 वर्षांपासून वर्सोवा येथील खोजा गलीमध्ये बेकायदेशीरपणे राहत होते. 10 आरोपी एकाच कुटुंबातील आहे.
त्यांच्याकडून मोठ्या प्रमाणात बनावट कागदपत्रेही जप्त करण्यात आली आहे. अटक केलेल्या सर्व आरोपींना न्यायालयात हजर करण्यात आले आणि पुढील चौकशीसाठी सर्वांना दोन दिवसांची पोलिस कोठडी सुनावण्यात आली आहे. झोन ७ मधील घाटकोपर परिसरात पोलिसांनी छापा टाकला. बांगलादेशींना पकडण्यासाठी उपायुक्त विजयकांत सागर यांच्या नेतृत्वाखाली एक विशेष पथक तयार करण्यात आले आहे. विशेष पथकाचे नेतृत्व करणाऱ्या घाटकोपर पोलिस ठाण्याचे सहाय्यक पोलिस निरीक्षक रेवणसिद्ध ठेंगळे यांच्या पथकाने मोठी कारवाई करत वर्सोवा येथील खोजा गली येथून 12 जणांना अटक केली. त्यांच्याकडून मोठ्या प्रमाणात बनावट कागदपत्रेही जप्त करण्यात आली आहे.
