साहित्य : 5 मध्यम आकाराचे बटाटे,1वाटी मक्याचे दाणे-अमेरिकन पिवळे मके असतील तर उत्तमच, 3 ते 4 हिरव्या मिरच्या, साधारण २ पेराएवढा आल्याचा तुकडा, 4 ते 5 लसूण पाकळ्या, 4 ते 5 ब्रेड स्लाईस, 4 ते 5 चमचे रवा, मीठ, तेल.
पावाचे स्लाइस पाण्यातून काढा व पिळून घ्या. हा गोळा किसलेला बटाटा व मक्याच्या दाण्यात मिसळा. आले, लसूण, मिरची वाटून त्याची पेस्ट करा व ही पेस्ट वरील गोळ्यात मिसळा. मीठ चवीनुसार घाला. हे मिश्रण मळून सगळीकडे तिखट मीठ लागेल असे पाहा. एका ताटलीत रवा घ्या. गोल, लांबट हव्या त्या आकाराचे कटलेट वळा व हे कटलेट रव्यात घोळवा आणि पॅनमध्ये मध्यम आचेवर शॅलोफ्राय करा.
