मी फूल तृणांतिल इवलें

शुक्रवार, 25 जून 2021 (16:22 IST)
मी फूल तृणांतिल इवलें
जरी तुझिया सामर्थ्यानें
ढळतील दिशाही दाही
मी फूल तृणांतिल इवलें
उमलणार तरीही नाही.
 
शक्तीनें तुझिया दिपुनी
तुज करीतील सारे मुजरे
पण सांग कसें उमलावें
ओठांतिल गाणें हसरें?
 
जिंकील मला दवबिंदू
जिंकील तृणाचें पातें
अन् स्वत:स विसरून वारा
जोडील रेशमी नातें
 
कुरवाळित येतील  मजला
श्रावणांतल्या जलधारा
सळसळून भिजलीं पानें
मज करतिल सजल इषारा
 
रे तुझिया सामर्थ्यानें
मी कसें मला विसरावें ?
अन् रंगांचें गंधांचें
मी गीत कसें गुंफावें ?
 
येशील का सांग पहाटे
किरणांच्या छेडित तारा;
उधळीत स्वरांतुन भवतीं
हळु सोनेरी अभिसारा ?
 
शोधीत धुक्यांतुन मजला
दवबिंदू होउनि ये तूं
कधि भिजलेल्या मातीचा
मृदु सजल सुगंधित हेतू !
 
तूं तुलाच विसरुन यावें
मी तुझ्यात मज विसरावें
तूं हसत मला फुलवावें
मी नकळत आणि फुलावें
 
पण तुझिया सामर्थ्यानें
ढळतील दिशा जरी दाही
मी फूल तृणातिल इवलें
उमलणार तरीही नाहीं.
 
 
— मंगेश पाडगावकर
 

वेबदुनिया वर वाचा

संबंधित माहिती

नक्की वाचा

Sapt Nadya भारतातील सात नद्यांबद्दल संपूर्ण माहिती

बेडरूममध्ये जाणवतात या ५ गोष्टी? निश्चित नकारात्मक ऊर्जा असल्याचे संकेत, आजच हे उपाय करून पहा

श्री गौ अष्टोत्तर नामावली - गायीची 108 नावे

मुलींसाठी गायीच्या नावांवरून पवित्र नावे

तुम्ही उकडलेले बटाटे फ्रिजमध्ये ठेवता का? हे आरोग्यासाठी हानिकारक असू शकते

नवीन

मुलांसाठी गायीशी संबंधित नावे अर्थासह

World Food Day 2025: जागतिक अन्न दिन का साजरा करतात जाणून घ्या इतिहास आणि महत्त्व

दिवाळीला बनवा कुरकुरीत असा मक्याचा चिवडा

डोळे फडफडणे वाईट लक्षण नाही, हे या जीवनसत्वाची कमी असू शकते

मास्टर ऑफ सर्जरी ऑब्स्टेट्रिक्स अँड गायनॅकॉलॉजी कोर्स मध्ये कॅरिअर करा